Newsgroups: no.news.diverse,no.unix Subject: Endeleg forslag til charter for no.it.os.unix.diverse From: Kjetil Torgrim Homme Date: 20 May 1999 20:31:20 +0200 Message-ID: <1r4sl74mpz.fsf@haey.ifi.uio.no> [Dette er eit endeleg charter for denne gruppa. Sidan gruppa skal opprettast som ein del av endringane vedteke i strukturvalet, vil det ikkje kome noko "endeleg forslag om å opprette gruppa" -- om det ikkje kjem innvendingar til charteret i løpet av ei veke vil gruppa opprettast.] Gruppenamn: no.it.os.unix.diverse Kort skildring (maksimalt 56 teikn, det vert heilt hit): Operativsystemfamilien Unix. Målet med gruppa: Å ha eit generelt forum for diskusjonar omkring ulike UNIX-variantar og programvare som køyrer på desse. Unix-variantane inkluderer for eksempel Solaris, Irix og BSD-familien. Vi vil ha: * Diskusjonar omkring bruk og installasjon av dei ulike UNIX-klonane. * Spørsmål og svar om vanlege Unix-verkty, f.eks. shell-programmering, bruk av sed og awk, vindussystemet X og X-applikasjonar. * Problemstillingar ved utvikling av Unix-programvare. Vi vil ikkje ha: * Kranglar om kva som er best av Unix-klonar og Microsofts operativsystem. * Artiklar som kun handlar om Linux-spesifikke ting. Bruk no.it.os.unix.linux.diverse til dette. * Spørsmål om Perl-programmering. Bruk no.it.programmering.perl. * Artiklar om operativsystemer som ikkje er Unix-klonar, med mindre det er snakk om interoperabilitet. Artiklar om MS Windows NT skal ellers til no.it.os.ms-windows.nt, tilsvarande grupper finnest for andre ikkje-Unix. * Vi vil heller ikkje ha reklame, postingar om jobbtilbod eller andre former for spam. Grunnlaget for gruppa: Skal erstatte no.unix og no.x.