Newsgroups: no.fag.spraak.diverse,no.norsk,no.news.diverse
Subject: Velkomen til no.fag.spraak.diverse!
From: USENET Noregs Arbeidsutval <au(at)usenet.no>
Date: Tue, 23 Mar 1999 10:20:53 -0000
Message-ID: <922184453.15207@usenet.no>

no.fag.spraak.diverse er no oppretta.  Dersom du ikkje finn gruppa, så
les siste delen av denne meldinga.

Gruppenamn:

no.fag.spraak.diverse

Kort skildring:

Om språk.

Målet med gruppa:

Gruppa skal vera eit forum for utveksling av kunnskap, spørsmål og
meiningar om språk.

Vi vil ha:

Både faglege og ikkje-faglege spørsmål, diskusjonar, opplysningar og
meiningsutvekslingar er velkomne. Fagfolk må respektera at språk opptek
mange fleire enn fagfolk, samstundes som dei som ikkje er fagfolk, må
respektera at det ogso skjer faglege diskusjonar på gruppa. Emna som
høyrer heime på gruppa, femner om alle aspekt ved språk, språkvitskap,
språkfilosofi, sosiolingvistikk osb.

Vi vil ikkje ha:

- Krangling og personåtak.
- Hets av nynorsk/bokmål/riksmål.
- Ubeden korrekturlesing av andre sine artiklar. Dette er ei gruppe for
  diskusjonar osb. om språk, ikkje ei gruppe for sjølvutnemnde
  korrekturlesarar.
- Kommersielle reklamepostingar (men informasjon om relevante konferansar,
  nye bøker o.l. er velkomne).
- Slikt som det finst andre grupper som skal taka seg av. Til dømes høyrer
  fornorsking av fagord og terminologi heime på no.fag.spraak.fagord.

Grunnlaget for gruppa:

Trafikkgrunnlaget er allereie dokumentert av den i prinsippet eksisterande
gruppa no.fag.norsk.diverse, som kan leggjast ned, og av den reelt
eksisterande gruppa no.norsk, som skal leggjast ned.

------------------------------------
Kva gjer eg om eg ikkje finn gruppa?
------------------------------------

Grunnen er som regel anten

  1. Du har ikkje oppdatert gruppelista ("active"-fila) i newslesaren din.
     Les dokumentasjonen for newslesaren din for å finne ut korleis det
     gjerast.
  2. ISP-en din oppretter ikkje grupper i no-hierarkiet automatisk.  Send
     i tilfelle eit brev til newsmaster for din newstenar og be dei ordne
     oppsettet sitt.  <URL:http://www.usenet.no/no-admin.html> inneheld
     opplysningane dei treng.  Har dei spørsmål, kan dei sendast til
     no.news.drift eller <au(at)usenet.no>.

-- 
For Arbeidsutvalet,
Kjetil Torgrim Homme
au(at)usenet.no