Newsgroups: no.norsk,no.news.diverse
Subject: framlegg til charter for no.fag.spraak.diverse
From: jardar(at)nvg.unit.no (Jardar Eggesbø Abrahamsen)
Date: 21 Oct 1998 22:42:45 GMT
Message-ID: <70lo15$99u$1@due.unit.no>

Gruppenamn:

no.fag.spraak.diverse


Kort skildring:

Om språk


Målet med gruppa:

Gruppa skal vera eit forum for utveksling av kunnskap, spørsmål og
meiningar om språk.


Me vil ha:

Både faglege og ikkje-faglege spørsmål, diskusjonar, opplysningar og
meiningsutvekslingar er velkomne. Fagfolk må respektera at språk opptek
mange fleire enn fagfolk, samstundes som dei som ikkje er fagfolk, må
respektera at det ogso skjer faglege diskusjonar på gruppa. Emna som
høyrer heime på gruppa, femner om alle aspekt ved språk, språkvitskap,
språkfilosofi, sosiolingvistikk osb.

Me vil ikkje ha:

- Krangling og personåtak.
- Hets av nynorsk/bokmål/riksmål.
- Ubeden korrekturlesing av andre sine artiklar. Dette er ei gruppe for
  diskusjonar osb. om språk, ikkje ei gruppe for sjølvutnemnde
  korrekturlesarar.
- Kommersielle reklamepostingar (men informasjon om relevante konferansar
  o.l. er velkomne).
- Slikt som det finst andre grupper som skal taka seg av. Til dømes høyrer
  fornorsking av fagord og terminologi heime på no.fag.spraak.fagord.


Trongen for gruppa:

Trafikkgrunnlaget er allereie dokumentert av den eksisterande gruppa
no.norsk. Det er avgjort ved røysting at no.norsk skal flyttast til
no.fag.*.