Newsgroups: no.news.diverse,no.it.diverse,no.ai,no.bibsys,no.sources.list,no.sources.wanted,no.standard,no.tegnsett,no.tungregning,no.news.drift,no.multimedia,no.vr,no.net
Subject: Forslag til struktur for no.it.
From: au(at)usenet.no (USENET Noregs Arbeidsutval)
Date: 30 Oct 1998 02:44:01 +0100
Message-ID: <1riuh26cym.fsf@haey.ifi.uio.no>

Dette er eit nytt forsøk på å skape ein struktur for no.it.* som vi
alle kan vere nøgde med.  Dersom det ikkje vert stor debatt om
forslaget, tek vi sikte på å setje det i drift i løpet av ein månad.

Fyrst av alt, ei kjapp liste som viser samanhengen:

Ny gruppe				Gammal gruppe
========================================================================
no.it.diverse				=, no.ai, no.bibsys, no.sources.list,
					no.sources.wanted, no.standard,
					no.tegnsett, no.tungregning

no.it.grafikk.diverse			no.multimedia, no.vr

no.it.tjenester.diverse			no.net
no.it.tjenester.irc			no.irc
no.it.tjenester.mail.diverse		=
no.it.tjenester.nettilbydere		no.biz.nettilbydere
no.it.tjenester.news			no.news.diverse, no.news.drift
no.it.tjenester.www.diverse		=
no.it.tjenester.www.design		=
no.it.tjenester.www.html		=
no.it.tjenester.www.programmering	=

no.it.maskinvare.diverse		no.pc

no.it.nostalgi				no.folklore.edb

no.it.nettverk				no.net

no.it.os.amiga.diverse			no.amiga
no.it.os.amiga.maskinvare		no.amiga
no.it.os.amiga.programvare		no.amiga
no.it.os.mac.diverse			no.mac
no.it.os.ms-windows.diverse		no.ms-windows, no.pc
no.it.os.os2				=
no.it.os.unix.diverse			no.unix, no.x
no.it.os.unix.linux.diverse		no.linux
					
no.it.programmering.c			=
no.it.programmering.delphi		=
no.it.programmering.diverse		=
no.it.programmering.java		=
no.it.programmering.lisp		=
no.it.programmering.perl		=
no.it.programmering.visual-basic	=
					
no.it.programvare.emacs			no.it.emacs
no.it.programvare.tex			no.tex

no.it.sikkerhet.diverse			no.kryptografi

no.it.telekom.diverse			=
no.it.telekom.mobil			=
no.it.telekom.isdn			=
========================================================================

Utgangspunktet for dette framlegget er Dag Øiens strukturframlegg.
Det er heller ikkje så altfor ulikt Alfa5 sitt utkast.

Nokre kommentarar, gruppe for gruppe:

 * no.it.diverse er ein samlepost, og det er naturleg å flytte
	lågtrafikkgrupper dit.  Det er ikkje nedverdigande for temaet.

 * no.it.tjenester.* er allereie delvis på plass, og å endre namnet
	til no.it.internett.* vil sannsynlegvis skape meir forvirring
	enn opplysing.

 * no.it.tjenester.news skal brukast til generell diskusjon om
	newsprogramvare o.l.  Administrasjon av no.* skal framleis
	skje i no.news.diverse (som kanskje vil skifte namn til
	no.usenet.* i framtida).

 * no.it.tjenester.diverse skal handle om IT-tenester som ikkje vert
	dekt av dei andre gruppene.  Når "no.net" står oppført som
	gammalt namn, kjem det av at diskusjon om bruk av
	f.eks. protokollen SMB tidlegare har skjedd i "no.net".
	Infrastruktur (teknisk def.: det som skjer på ISO nettverkslag
	3 eller lågare) skal diskuterast i no.it.nettverk.

 * no.it.tjenester.nettilbydere vil vere for diskusjon om
        nettilbydarar.  no.biz.nettilbydere inneheld i dag ein del
        annonser, men desse skal heretter sendast til ei passande
        marknadsgruppe.

 * no.it.maskinvare.diverse skal vere for alle typar maskinvare, ikkje
	berre PC-ar.  Merk at spørsmål som er direkte relatert til eit
	bestemt operativsystem skal diskuterast i OS-gruppa, ikkje
	her.

 * no.it.nettverk: sjå no.it.tjenester.diverse.  Eg synest ikkje denne
	gruppa kunne plasserast i maskinvare-hierarkiet.

 * no.it.os.* vert her brukt som eit samlenamn om eit gitt system.
	Alternativa var "sys", "system" og "maskin", men det såg ikkje
	ut til at folk vart einige i kva ein skulle legge i det.  Ein
	fordel med "os" er at OS/2-gruppa slepp å flytte, og eg ser
	ikkje nokon spesielle fordelar med dei andre framlegga.

 * no.it.os.unix.linux.diverse er plassert inne i Unix-gruppa i håp
	om at det vil hjelpe folk til å hugse å poste generelle
	Unix-artiklar i no.it.unix.diverse i staden.  Det gir også ein
	litt ryddigare struktur med tanke på framtidige grupper som
	"no.it.os.unix.freebsd" o.l.

 * no.it.os.ms-windows.diverse vil erstatte no.ms-windows ganske
	nøyaktig, men vil også få meir trafikk frå dagens no.pc.  Det
	er derfor ikkje usannsynleg at no.it.os.ms-windows.maskinvare
	vert oppretta om nokon foreslår gruppa etter omstruktureringa.

 * no.it.programvare.* skal brukast for å diskutere ulik programvare.
	Naturlege utvidingar vil vere no.it.programvare.diverse og
	no.it.programvare.ms-office.

 * no.it.programvare.emacs er den einaste gruppa i dagens no.it.* som
	må flytte.  Det er sjølvsagt plagsomt med flytting, men det
	verkar noko rart å ha emacs-gruppa på toppnivå i it-hierarkiet
	då Emacs ikkje er nokon kategori i seg sjølv.


For AU,
Kjetil T. (vaktmester)